في كسرونة نحط الكريمة الطازجة مع السكر و الفانيلا و نحطوها على النار غير تبدا تغلي نظيفولها الحليب و نخلوها حتى تغلي و نزيدولها اوراق الجيلاتين لي نكونو حطيناه في الماء باش ينطلق حوالي ربع ساعة نحوه من الماء و نعصروه بلعقل من هاداك الماء و نضيفوه للخليط تاعنا و نحركو شوية راح يذوب فوريا نفرغوه في كيسان و نخلوه حتى يبرد ولا نحطوه فالمجمد لتسريع العملية.

تحضير الطبقة الثانية : نحط الماء مع الفراولة و نص كاس السكر في وعاء و نرحوه مليح و نصفوه في صفاية و نزيدولو كيس الفلان فراولة مع ملعقة النشاء اي المايزينة و نحطوه في كسرونة نطيبوه كيما اي مثل نطيبو الفلان العادي و كي يغلي نطفوا عليه و نخلوه يبرد شوية باش كي نفرغوه على الباناكوتا ماتذوبلناش.