في قدر ضعي ملعقة كبيرة زبدة و ملعقتين زيت يسخنو ، قلي فيهم قطعة دجاج و بصل مفروم و سنينة ثوم ، تبلي بالملح ووالفلفل الاسود و خليها تتقلا مليح ، ثم امرقي بكمية قليلة فقط من الماء حوالي كاس و نصف و ارمي الزيتون الاخضر الى تكوني غليتيه في الماء.

من جهة اخرى ارحي صدر الدجاج و تبليه و تزييديلو معدنوس (بقدونس) مقطع رقيق و شوية شابلور و و نصف بيضة وتشكلي عجينة.

تبسطي العجينة تع الدجاج على نايلون مدهون بالزيت و تطبعي دوائر بالطابع تعرالقاطو و تنحي كل دائرة على حدة

تحطي في كل دائرة القليل من الجبن الطري و تغلقيها فتصبح على شكل نصف دائرة ، تقليها في شوية زيت و زبدة وتحطيها تكمل طيابها في المرق الى كان وجدتيه من قبل و تحطيها في طبق التقديم مع رشة معدنوس (بقدونس)