اولا نعبرو المول المستعمل نضع التشيشة في المول حتى منتصف المول ثم نهزو التشيشة ونقيسوها بالكاس قد ماجاتنا نعودو نهز نص الكيلة سكر مثلا جاتنا التشيشة 4 كيسان نديرو السكر زوج كيسان حسب واش عبرنا بالكاس

انا عبرت سنيتي جاتني 4كيسان تشيشة يعني ندير زوج سكر.وبعدها نخلطو التشيشة مع السكر مليح مليح حتى يندمجو مع بعض ثم نديرو كاس ماء زهر ونخلطو مليح ونشوفو حتى يتعسل الخليط و نشوفو ذاب السكر ولا مزال ونزيد نص كاس ماء الزهر المتبقي حتى تولي شبه عجينة معسلة نخلوها ترتاح ساعة أو أكثر ثم نجيبو سنية ونضع فيها الخليط ونستفوه مليح بالملعقة ونقسمو بوضع خطوط ونزوقو بالكوكاو وندخله الفرن يكون مسخن مسبقا حتي يطيب ويتحمر من تحت نشعلو عليه من فوق ونخليوه يتحمر مليح

نحضرو الشاربات بزوج كيسان سكر مع أربعة ونخليوهم يغليو ونبداو نحسبو 20دقيقة ثم ننزعها ونضيف لها نص كاس ماء زهر ونتركها تبرد 20دقيقة ثم ننزعها ونضيف لها نص كاس ماء زهر ونتركها تبرد

بعد ما تبرد الشاربات نخرجو قلب اللوز سخون ونكبو نص كمية الشاربات ونتركه يتشرب في الفرن بعد ما كنا طفيناه هذي الخطوة مليحة تخليه يتشرب مليح ويتنفخ ومن بعدها نخلوه يرتاح ليلة كاملة وفي تلك المدة إذا لقيناه مشربش نزيدولو الكمية المتبقية من الشاربات وشهية طيبة