هنجيب اللبن الدافي و نحط عليه السكر و الخمير و نسيبهم ١٠ دقائق بس يكون دافي مش سخن عشان ميبوظش الخميرة و بعدين نحط الدقيق في بوله و نحط عليه رشة الملح و بعدين نحط عليه الزبده تكون سايحه بس مش ساخنه بردو نسيحها و تبرد او ممكن تبقى دافيه و عليها البيض و لازم يكون بردو في درجة حرارة الغرفه لو البيض ساقع و مستعجله حطيه تحت ماء ساخنه من الحنفيه و نكمل نحط البيض عالدقيق و الزبده و نحط خليك اللبن و الخميرة و نعجن بقى لو بعجان او على ايدينا لمده ١٠ دقائق لحد ما العجينه تبقى طريه اوي كده معانا

و تكون لمت و تبقى بتلزق خفيف خالص ندهن البوله زيت و نحطها بقى في مكان دافي و نغطيها و نسيبها لحد ما يبقى حجمها الضعف

نطلعها و نفردها بس تكون سميكه و نقطعها دوائر ب اي قطاعه او حتى كوب و نحط الدوائر ديه على ورق زبده و نغطيه لمده نص ساعة هيكون خمر تاني نقص الورق الزبده حواليه بحيث كل واحده تبقى لوحدها و بعدين ننزلهم في زيت ميكونش سخن اوي يكون وسط يعني الفقاعات اللي حواليهم ووهما بيتقلوا يكونوا هاديين و مش كتيير و و لو حسينا ان الزيت سخن جامد نخفف عشان متحمرش و تبقى نيه من جوة بس و بعدين اول ما تبقى ذهبي كده غامق شويه نطلعها و نحطها على مناديل مطبخ تتصفى

و لما تبقى دافيه ممكن نرش عليها سكر بودرة قبل ما نحشيها و بعد ما تبرد نعمل كده فتحه فيها ب اي حاجه رفيعه سكينه مثلا او ايد ملعقة و نحركها جواها يمين و شمال بحيث يبقى في مكان للحشو

و بعدين نجيب كيس حلواني نحشيه شوكولاته نوتيلا او كاسترد او مربى و نحطه فيها و نضغط بحيث الحشوه تدخل و نحس بالدونتس بتتقل كده و بقت تحفه و بالهنا و الشفا 😍