منسلق الفروج ومنحط مع المي ورق الغار والقرفة وملح

منصفي الفروج ومنتفن ومنحتفظ بمي السلق

منضيف الماجي ع مي السلق ومنشيل منها حوالي نصف كاسة

منطبخ الرز بمي السلق بعد ما نكون نقعناه بمي فاترة شي ربع ساعة

منضيف اللبن مع الطحينة ونصف كاسة مي السلق مع فلفل ابيض وملح ومنمزج لحتى يسمك الخليط

بس يستوي الرز منتركو ليهدى وبعدا منضفلو فلفل اسود ومنحركو

منقلي الخبز المقطع او منحطو بالفرن بس انا بفضل قلي

بطبق التقديم منحط اول شي طبقة الخبز وبعدا فروج ومنضيف طبقة لبن وبعدها طبقة رز وطبقة فروج ومنضيف لبن واخر شي طبقة رز ومنضيف بقية الصوص وع الوجه منحمس المكسرات ومنضيفها مع بقدونس مفروم او قطع بندورة

يفضل تقديمها ساخنة، وصحة وهنا ❤️