اول حاجة فى الخلاط او بولة لو هنستخدم المضرب ننزل بالبن والسكر والفانيليا وكيس الكريم كراميل الاتنين ونضرب لحد ما السكر يدوب وبعدين ننزل بالزيت خيط رفيع والخلاط شغال ده القوام بتاع الخليط بيبقا تقيل و ناخذ كوب من الخليط ونحطة فى الثلاجة

بعدين باقى الخليط ننزل بالبيض ونضرب لحد ما البيض يخطلت و فى بولة ننزل بالمكونات الجافة الدقيق والملح والبكنج بودر ونقلبهم كويس وبعدين ننزل بالسوائل ونقلب

الكيكة بتدخل الفرن على درجة حرارة 180 من 30-35 دقيقة متسخن قبل ما ندخل الكيكة بعدما الكيكة تستوى بنعمل اختبار الخلة وندخلها فى الكيكة لو طلعت نظيفة نطفى الفرن ونفتح الباب سنة ونسيبها خمس دقائق لو لسة مستوتش بنسيبها فى الفرن خمس دقائق ونعملهل بالخلة ثانى نطلع الكيكة ونسيبها على المطبخ لحدما تبقا دافئة وننزل 1/3 كوب لبن عشان الكيكة تبقا هشة من جوة و طرية

ننزل بالصوص الى شيلناه فلى الثلاجة ونفرده على الكيكة وبعدين ننزل بالكراميل خطوط على قد ما نقدر نخليها متساوية وبعدين بعرف السكينة او بخلة السنان نمشى رايح جايى على الكراميل براحة من غير ما نقطع الكيكة