بسم الله الرحمن الرحيم 🌺 بنقر الكوسا والباتنجان وبغسلون وبتركون يصفو بجهز الحشوة بكون ناقعة الرز بغسلو كتير منيح وبضيف عليه جميع لبهارات والزيت والتوم وبخلطون مع بعض كتير منيح

بحط بأرض الطنجرة اي شي موفر عندي كان عندي عضام حطيت معن ورق غار وعود قرفة

جهزت عدة المحاشي وبلشت عبيهون

بعبي لفوق النص انا مابحبو يكون كتير مليان بحب المحشي يكون طري لهيك كل ستة كيلو بحط كيلو رز واذا مليان بياخد كيلو وربع تقريبا....عبيت كل الكمية مع لفليفلة بتعطي طعمة وريحة مع المحشي بتشهي😋

دوبت دبس البندورة بمي مع ملح ونص معلقة ملح الليمون وتوم مهروس ونعناع مجفف وضفتون فوق المحشي حتى تغمرو على نار عالية بس ليغلي وبهدي عالآخر وبغطي وبتركو على مهلو يستوي تقريبا بعد مايغلي بدو ساعه عالهدا....

صحتين وهنا اكلتي المفضلة 😋❤