اولا هنخلط المكونات السائله مع السكر والخميره ونسيبهم ربع ساعة لحد ما الخميره تفور

ننخل الدقيق ونضيف عليه الملح والخل وبعدين نضيف السوائل ونخلطهم كويس

نبدأ نعجن كويس ولو احتاجت ماء او دقيق نزود بس نحاول نخليها لينه أفضل.. نعجن حوالي 10 دقائق وبعدين نسيبها ترتاح ساعة او ساعة ونص لحد ما يتضاعف حجمها

وبعدين نكورها كور صغيرة قد اللمونه

ونبدأ بأول واحده كورناها عشان تكون خمرت كويس ونفردها بالنشابه كويس

وبعدين نحشيها جبنة اي نوع زي ما نحب انا حشيتها جبنة براميلي.. ونقفلها كويس من الجنب اللي حشينا منه زي الصوره... ونقطعها ونلفها.. او نلفها ونضمها على بعض تبقي شكل الورده دا ونحطها في الصينيه

نجهز اللبن البودرة واللبن والسكر وبالفرشه ندهنها من الوجه.. وممكن نرش عليها سمسم.. واهم حاجه الفرن يكون شغال قبل ما تدخل بربع ساعة على اعلى حراره وتدخل الفرن 10 دقائق فقط وبألف هنا ⁦♥️⁩⁦♥️⁩😍