تحضير صلصة الطماطم: في كسرونة ولا قدر نديرو الثوم مرابي مع الزيت ونص مغرف طماطم مصبرة نقلوهم شوية برك نضيفولهم الطماطم مرابية والملح والفلفل اسود ورند وزعيترة وشوية عكري نخلوها تتقلا مليح نضيفولها شوية ما قيس فنجان صغير ونخلوها طيب حتى تولي صلصة وفي الاخير نزيدو النصف الثاني تاع ملعقة طماطم مصبرة نخلوها تغلي نصف دقيقة ونطفو.

تحضير الباذنجان🍆: نقطعوه شرائح رقيقة ونديرو شوييييية زيت فمقلاة ولا شواية ونخلوه يطيب (يستوي) كي نحوه نحطوه فوق ورق ماص ونخلوه بجنب.

تحضير صوص ابيض: نضع ملعقة الزبدة في كسرونة غير تذوب متخلوهاش تتحرق ديرولها المايزينة حركوها حتى تتشربها كامل لازم من بعد زيدو الحليب مع التحريك المستمر وشوية ملح وفلفل اسود حتى تولي على شكل كريمي نحوها بسرعة من فوق النار.

تحضير الحشو🐔: نضع البصلة المقطعة بطريقة صغيرة في مقلاة مع قليل من الزيت والملح والفلفل اسود ونخلوها حتى يذبال نضيفو عليه الدجاج ونخلوه يطيب (يستوي) معاه بعدها نطفو عليه ونديرولو معدنوس (بقدونس) مقطع والكريمة لي خدمناها وقطعتي الجبن نخلطوهم مليح يعطونا حشو قوامو رائع.

نفرشو صلصة الطماطم في الاناء لي يدخل للفرن وبعدها نبداو نديرو قليل من الحشو في شرائح الباذنجان ونروليوهم ونحطوهم فوق الصلصة ونضيفو فوقهم الجبن المبشور وندخلوهم للفرن مدة 10 نار ملتحت متوسطة وملفوق قيس ماياخذو اللون لي تحبوه وشهية طيبة.