لتحضير العجينة نخلط الفرينة و الزبدة و ندخلها مليح في بعضاها من بعد نضيف الزيت والسكر الناعم و صفار البيضة والفاني و نخلط و نجمعها بالحليب السائل و نغطيها و نخليها في الثلاجة ترتاح على الاقل ساعةز بعدين نشكلها ونخبزها بالفرن

للكريمة نسخن الحليب و من جهة اخرى نخلط السكر و البيضة و نحرك بالفووي من بعد نضيف النشاء و نحرك مليح وكي يسخن الحليب نضيفو للخليط تدريجيا مع التحريك المستمر بسرعة من بعد نرجعو للكسرونة و نحطو فوق النار متوسطة ونبقى نحرك باستمرار كي تغلي نطفي و نضيف الزبدة و الفاني و نحرك ومن بعد نفرغ الكريمة في صحن و نغطي السطح تاعها بورق الفيلم ونخليها تبرد جيدا

بعد ماتبرد الكريمة نطلعها شوية بالباتور حتى تولي ملساء و نحشي التارتولات تاعي

نزينهم بالفواكه لي عندي حسب الموجود و ندهنهم بالناباج و نخليهم يبردو مليح قبل التقديم