هنحط حله على النار وفيها الماء ونسلق المعكرونه بالطريقه العاديه

في طاسه على النار هنحط اللحمة لحد ما لونها يغير وبعدين نحط الصلصة والبصل والبهارات ومعلقه سمنه ونقلب ونسيبها لحد ما تستوي

حله بقي ونحط فيها السمنه لحد ما تسخن وبعدين ننزل بالدقيق ونحمر الدقيق لحد ما لونه يبقى بيج او بني فاتح كدا وبعدين ننزل باللبن والمرقه والملح والفلفل الاسود ونقلب لحد القوام اللي تحبيه كل حاجه كدا جهزت معانا

نجيب المعكرونه ونحط عليها كابشتين بشاميل ونقلبهم ونجيب الصينيه وندهنها سمنه ونرش فيها شويا بقصمات مطحون ونحط نص المعكرونه وبعدين اللحمة وبعدين باقي المعكرونه وبعدين نحط طبقه من البشاميل ونجيب بيضه ونرش عليها شويا من الملح والفلفل الاسود ونضربهم كويس وندهنا على الوجه وندخلها الفرن لحد تمام السوا وبالف هنا