نجيب القدرة و نحط فيها الزبدة و نحط صدر الدجاج و ملح مانكتروش وفلفل أسود وراس الحانوت و نقلي ثم نضيف البصل و الثوم و نقلي مليح ثم نمرق بالماء الساخن حتى يتغطي الدجاج و نزيد الزيتون و نخليها طيب و يعقد

بعد ماطاب الدجاج نفتتو و نجيب صحن كبير ندير فيه 3حبات بيض و حوالي نص كاس من لصوص و فرماج مبشور و المعدنوس و مغرف شابليغ و نخلط مليح و نجيب لبلا و ندهنو بالزيت و نحط الدجاج و ندخلو الفرن يكون مسخن يحكم روحو برك ماشي يطيب و نخرجو

وبعد ما نخرجوه من الفور وتبرد نحط طبقة انتاع فرماج الطلي و من جيهة خلاف نجيب مقلة و نحط فيها الزبدة و نحط للحم المفروم و نزيلو شويا بصل و ثوم و شويا ملح وفلفل اسود و نقلبه مليه و من بعد ما يبرد نزيدلو 3بيض و مغرف شابليغ و نصف كاس من لصوص و فرماج مبشور و معدنوس و نخلطهم ونحطوها فوق الفرماج و نسوي السطح مليح و ندخلو الفرن يطيب وبعد مايطيب و يبرد قسميه انا قسمتو بمول مربع و حطيتو في صحن و حطيتلو شويا لصوص و شويا زيتون و بصحة و لهنى