نخلط كل المكونات معا ثم نضيفو الماؤ الدافئ بالتدريج حتى نتحصلو على عجينة تتلاسق بزاااف فاليدين

نعجنوها مليح 5دقائق باليد

ننزعو العجينة الزائدة من اليدين ثم نضيفو قطرة من الزيت حتى نستطيع جمع العجينة

نخلوها تختمر جيداً بعدها نكسروها و نشكلو2كرات و نبسطوهم جيداً و في الحواف نقطعو العجينة بالطول حتى نتحصلو فالاخير على شكل جميل،نلفو العجينة ونخلوها تختمر او نقدرو نحشيوها بالشوكولاته

بعدما تختمر ندهنوها بصفار بيضة و نطيبوها على 180 درجة

بعد ما تبرد نحشيها بكريمة ديبلومات اللي كان سبقلي و درتها فالوصفة تع ليتاختولات اللي هي عبارة عن كريم باتسيير+كريمة شانتيي.