في إناء نحط الحليب و خميرة الخبز و السكر و بيضة كاملة و بياض بيضة و الزيت نخلطهم جيدا ثم نضيف الملح و نخلط و نضيف الفرينة حتى تتلم العجينة تكون تتلصق فاليد نوعا ما ندلكها شوية و نحطها في إناء نخليها تخمر

بعدما تخمر نقسمها الى كويرات متساوية و بواسطة قاعدة كأس نعمل حفرة فالوسط الكأس ديروه فالفرينة باش ميلصقش ثم ندهن الحواف بصفار بيضة و شوية حليب و نرش على الحواف خليط السانوج و الجلجلان و نعمل ثقوب بالفرشيطة فالوسط و نحط صلصة الطماطم و باقي المكونات و ندخلها طيب في فرن مسخن من قبل لما نخرجها من الفرن ندهن الأطراف بشوية زيت زيتون كلمسة أخيرة