تجيبي لخضرة تاعك تغسليها وتبداي تقطعي فيها قطع ما كبار ما صغار متوسطة الحجم مور ما تكملي تقطعيهم تحطيهم كامل فالطنجرة لي راح تطيبي فيها تحطيلها لماء تناصفي طنجرة تاعك وحتى يتغطى لحم ولجاج تحطي التوابل لي راكي حابة (فلفل اكحل ، فلفل احمر ، جنزبيل ، شوي كركم ، كمون ، ملح) تحطي 3 ملاعق زيت كبار وتحطي لحشاوش تاعك تغلقي عليها ، مبعد كي تبدا لخضرة تطرااا رايحة تولي طريحة تجبدي اللحم تاعك وترحيها حطي طماطم لباطة وارحيها مع لخضرة بااه تذوبلك بالساهل