اجهز حشوة الفروج رز وبهارات وملح فلفل اسود بوضعهم على الغاز وبضيف بودرة ماجي وماء وبتركهم يستوه شي خفيف

بضيف على الحشوه لوز مقلي وبقدونس وبحشي الفروج وبسلقه على الغاز بضيف على الماء بصله ثوم ورق غار وهال وفلفل وبهارات وبودرة ماجي بتركه على الغاز ساعة

لرز البريانه بطنجره بضيف الرز ومعلقة سمنه كبيره وبشوحهم وبضيف البازيلا والجزر وبهار البريانه بضيف من شوربة الفروجه المسلوقه ليستوي الرز على نار هاديه اخر شي بضيف ملعقة زبده على الرز وبقلب على الخفيف ليتغلف الرز ويعطي طعم زاكي

بعد ما جهز الرز بجيب فحمه بولعها وبحطها بقصديره صغيرة وشوية زيت بتعطي الرز طعمة التدخين 😋

بدهن الفروج ملعقة سمنه وبدخلو شوي بالفرن لتعطي لون ذهبي

وصحتين وعافيه