اولا نقوم بتتبيل افخاذ الدجاج وندخللهم الدرسة مليح مليح ونحطهم على جنب وقد ما طولو فالدرسة راح تزيد بنتهم ونقومو بتقشير البطاطا ونقصوها دوائر ونعملولها ملح ونحطوها في القدرة تفور

ومن بعد نحطو افخاذ الدجاج تتحمر في شوية زيت وزبدة ونبقار نقلبو فيهم حتى الي يتحمرو مليح وبعد ذالك نحطو عليهم كمية معتبرة من البصل حبتين كبار او ثلاث ونقصهم مكعبات صغار

نبقاو نقليو فالبصل والافخاذ حتى الي يذوب هذاك البصل ونقومو بغلق طنجرة الظغط ونقصو فالنار يعتي نخليوها طيب على نار هادئة تماما وبدون اضافة ولا قطرة ماء لانو البصل هو الي راح يطلق السائل الي فيه.

وبعد ما نفتخو الطنجرة ونلقاو افخاذ الدجاج نضجو اي طابو نحيوهم على جنب ونضيفو القليل من الماء لذيك الصوص انتاع البصل الي طابو فيها الافخاذ ونمكسيهم مليح راح اصبح عندنا مرقة بنينة وثقيلة نقومو بصبها على هذيك البطاطا الي فورناها من قبل ونحطو الافخاذ فوقها ونحطوها في الفرن باه تتحمر ونقدموها مع المعدنوس والليمون وتاكلو بالصحة والهنا