المضغوط ع طريقتي

بنغسل الدجاج وبنتبله صلصه بندوره وبهارات مشكله وكاري وفلفل اسود ولبن زبادي وكاتشب لمده ربع ساعه

بعدين بنقطع الخضار في طنجره الظغط او طنجره عاديه (بس رح يفرق الوقت) وبعدين بنزل الدجاج بتتبيلته وبنحط شوي ملح وكمان حسب الرغبه بنزيد شويه بهارات وبنضيف كاسة مي صغيره وفي طنجره الظغط عشر دقائق بعد ماتصفر

بنغلي مي في طنجره تانيه وبنضيف الها بهارات صحيحة وملح ولما تغلي بنزل الرز فيها وبنسلقو لمده ست دقائق فقط

بعدين بنرجع الرز فوق الدجاج وبنحط صبغة الطعام ولمده ربع ساعه ع نار هاديه وبنقدمو مع دقوس ولبن وصحتين والف عافيه