نضيف الدقيق و الخميرة والزيت والبيكنج باودر و السكر و رشة الملح واللبن ونقلب كويس ونعجنهم لحد ما العجينة تلم وتكون لينة و مابتلزقش

نغطي العجينة ونسيبها تختمر لمدة ساعة في مكان دافي

نسخن الفرن و نحضر الحشو نفضي في حلة علبة التونة بالزيت بتاعها و طماطم و بصل و فلفل رومي متقطعين قطع صغيرة وملح وفلفل ونقلب كتير ونشوحهم لحد ما تجف

بعد اختمار العجينة نقسمها نصين نفرد نص بالنشابة و نفرده في صينية مدهونة زيت و نحط فوقه الحشو و نفرد نص العجينة التاني ونغطي بيه الحشو ونقفلها كويس من تحت لفوق

نحط رشة ملح على صفار البيضة وندهن بيه وجه الفطيرة و نرش عليه سمسم

ندخلها فرن متوسط لحد ما تستوي ونفتح الشواية تحمر و نقدمها