بدنا طنجرة ما بتلزق و معلقة خشب مهمة لهالوصفة..

نضع المي الساخن و السكر ، بس يدوب السكر بزيد كباية السميد الناعم مع التحريك ، زيدو السميد عدفعات كرمال ما يجبل معكن ، و مهم ما تشتغلو عنار عالية ، نار وسط بكون تمام..

بحرك السميد و بس يتقل شوي الخليط ، منزيد الجبنة بالتدريج، اول دفعة مندوبها كلها منزيدالباقيين (نزلو الجبنة على تلات مراحل) ، مع التحريك المستمر ، تقريباً بتاخد شي ١٢ ل ١٥ دقيقة لتدوب الجبنة تماماً ، بصير عنا متل عجينة ، بس تبطل تلزق بالطنجرة يعني تمام.

منزيد ربع كوب ماء الزهر ، و منحرك العجينة ، بالمعلقة ، بطريقة كانو عم نعجنها ، لتشرب كل كمية ماء الزهر 😉

بيتكون معنا عجينة متماسكة ، دغري بدنا نشتغل فيها ، منحط نايلون لنفرد العجينة عليه قطر نضع عجينة حلاوة الجبن مع شوي قطر عليها شي ملعقة و نايلون فوقها ، و منمدها.

هلئ منحضر طبقة مفروكة الفستق ، كباية فستق حلبي (لكوب و ربع فستق) ، يطحن مع ربع كباية سكر بودرة او عادي اذا مش متوفر.

بمقلاة نضع ٢ ملاعق زبدة كبار ، مندوبن و منزيد نصف كباية سميد و منحركن شي ٨ ل ١٠ دقايق عنار خفيفة ، ما يتغير لونن ، و منزيد قطر ، (تقريباً ربع كوب او اكتر شوي و يكون قطر خفيف مش تقيل ، و منحرك..
نضع خليط السميد مع خليط الفستق ليصيروا عجينة وحدة(فيكن تخلطهن بالميكسر)و بعدها افركوها بايدكن بتشوفو انو تكامشت ). و منزيد ملعقة ماء الزهر (العجينة طرية ، اذا كانت قاسية زيدو ملعقة مي)، و منمدها نفس الطريقة اللي مدينا فيها عجينة حلاوة الجبن.

منزيد القشطة ، فيكن تستخدمو اي قشطة معودين تعملوها للحلويات ، انا استعملت جبنة الريكوتا كقشطة رائعة جربوها :)، منقدمها مع رشة فستق حلبي و قطر 😋🤩

القطر : كبايتين سكر ، كباية مي بس يغلو بزيد ملعقة عصير حامض (ما منحرك القطر) ، منتركو يغلي من ٨ ل ١٠ دقايق و بس نطفي النار منزيد ملعقتين ماء الزهر و ملعقة ماء الورد و الف صحة 🥰