بنطلع العجينة بعد يوم او يومين من التلاجة أو قبل بوقت

ليسهل علينا عجنها كمان مرة وبنضيف عليها ملعقتين القشطة وماء الورد أو الزهر ربع كاسة وازا ما بتحبوه عادي حطو ماء مكانه بنفع وبنضيف ملعقة الخميرة الصغيرة وبنعجن بأطراف الأصابع

بنقطع كرات صغيرة من العجين وبنبلش نحشي... هاد قالب التمر

وطبعا بتقدرو تنقشو بالملقط الخاص للمعمول والحلويات

وهيك بنكون خلصنا بحمد الله... هدولا الكمية اللي طلعو معي

وهلأ عالفرن الحامي من الأسفل لحتى يعطي لون شقار خفيف وبنحمر من فوق ولازم تنتبهو ما بطولو بالفرن يادوب ٧ دقايق علشان هيك لازم تضلو عند الفرن

ولازم نتركهم يبردو منيح كتير لحتى نطلعهم من الصينية احسن ما يتكسرو

وبنزيين معمول الفستق والجوز بالسكر البودرة وهاد الشكل النهائي 😋😍

ملاحظة... علشان ما تلزق الحبات بالقالب بتقدرو تدحرجوها بالسميد الفرخة قبل القالب أو تستعملو جراب نايلون جديد

وريته صحة وهنا لكل حد رح يجرب وصفتي بالمعمول وما تنسوني من دعواتكم الحلوة وكل عام وانتم بخير 💕💕💕 #رنا_فارس ❤️