بقلاوة جزائرية وصفة سهلة وبسيطة للمبتدئين

بسم الله الرحمان الرحيم نبدا بالعجين اولا على خاطر لازم يرتاح وكل مايرتاح مليح كل ماتكون نتيجه افضل نبسس الفرينه تاعي بالسمن الي خلطنا فيه البيضه ونمحر بيدي مليح حتى يتغلفونا حبات الفرينه بكل نبدا نجيب الماء عادي من الحنفيه ونضيفلو القليل من ماء الزهر ماتكتروش باه ماتيبسش العجينه المهم نبلوها انا دات معايا كيله وانتي بالشوي وشوفي لميها واعجنيها شوي وادا عندك عجانه حطيها فيها خمس دقايق حطي العجينه تاعك في بلاستيك غذائي وخليها ترتاح كي ترتاح لوزيها قرصات صغار انا درت 12حبه على اساس الطبقه الاولى

ندير فيها سته والاخرى سته وانتي كيما تحبي وعاودي غطيهم وخليهم يرتاحو

نجيو هنا للحشو انا رحيتو شوي خشين وخلطت درت كاوكاو وشوي لوز وشوي جوز ودرتلو السكر ورشيت عليه شوي ماء الزهر شوي برك ونفتل بيدي يجي كي البربوشه ماتشمخوهش بزااف

هنا دهنت البلاطو تاعي مليح مليح وبديت نطرح فالكريات بالوحده ونحط فوقها شوي نشاء ونزيد نطرح الشانيه ونحطها فوق الاولى حتى نكمل كامل الحبات تاع طبقه واحده وبلا ماننسى مابيناتهم النشاء كي نكمل نطرحهم بكل فوق بعضاهم حتى تولي طبقه واحده رقيقه وبحجم الصينيه ونحطها ونعدل الحواف مليح نحط الحشو ونمشيه مليح ونزيد بنفس الطريقه الطبقه الثانيه كي نكمل ندهن من فوق مليح مليح ونبدا نقسم معينات ونرشق فالوسط اللوز ونزيد نخليها ترتاح شوي ونطيبها في فور سخون من قبل بصح كي نحطها نقص شوي ونعسها كي يطيبو ويتجبدو

الحواف من تحت نشعل من فوق عليها بصح كي تشعلو الفوق حطوها فالرف الاخير باه ماتتحرقش كي تطيب عسلوها وهي سخونه وخليوها تتشرب

الكيله المستعمله لهاد البلاطو تاعي درت باط تاع زبده تاع رطل