نبداو على بركة الله: للعجينة نضع في ايناء البيض مع السكر نخلطهم مليح نزيدلهم كأس زيت هنا نخلطهم مليح (باش مايخرجش الزيت فلابات مع اللخر) +قرصة ملح+لافاني نخلط ونزيدلهم الفرينة و خميرة الكيميائية حتى تتلم وتولي طرية (ماتعجنيهاش) نخليها ترتاح شوية --> نبسط العجينة تاعي ونديرها فالمول نسڨمها مليح ونتقبها بالفرشيطة ونحطها تطيب

الكريمة : نضع الحليب فوق النار باش يسخن في جهة اخرى في اناء نضع حبة بيض+سكر+مايزينة+عطر الفراولة نخلطهم حتى يولي الخليط متجانس نفرغ عليها الحليب ولكن نع الخلط الجيد باش مايطيبش البيض ونعاود نرجعها للفرن حتى تعقد كي تعقد نزيدلها مغرفة ك زبدة

كي يطيبو لي فون تاوعنا (العجينة) نعمرهم بالكريمة ونشبحها بالفراولة و نديرلها لاجولي ملفوق (يمكن استبدالها بالعسل) نخليها تبرد وشهية طيبة😋😍