غراتان البطاطا بالدجاج

أولا نقشر البطاطا و نغسلها و نقطعها مربعات و نقليها في الزيت.

في مقلات نقطع البصل و الفلفل الحار مع شوية ملح و زيت و نخليها حتى يذبل البصل و نضيفلها صدر الدجاج بعدما نكون قطعتو مربعات صغيرة و نخليه يتقلى حتى يطيب و نضيف عليه حبة طماطم مسكرفجة و الفلفل الاسود و الكسبر و الكمون و نخليها طيب تحت نار هائة حتى تنضج.

ندهن البايريكس زجاجي و نضع طبقة بطاطا و الطبقة الثانية خليط صدر الدجاج و طبقة أخيرة من البطاطا و نحط فوقهم البيض و الجبن المبشور و ندخلها للفرن لي كنت شعلتو من قبل و بالصحة.