في طنجرة كنديرو دجاج وتوابل وزيت والقرفة ونكنقليوه مزيان فوق البوطة

كنزيدو عليه قزبر والبصلة مقطعة صغيرة وكنغطيو عليهم حتى كيطيب الدجاج ومرة مرة كنحركوهم منزيدوهمش الماء من الأفضل نخليوهم يطيبو فالمرقة لي غادي تلق البصلة

من بعد ملي كيطيب الدجاج كنخرجو وكنزيد البيض على المرقة حتى كتجمع

كناخدو الدجاج وكنقطعوه ونزولو منو العضام ونوجد الورقة ديالي ونديرها فشي زلافة وندير فيها الحشوة ديالي المرقة بالبيض وفوق منها الدجاج مقطع وكنسد الورقة وندهن بالزبدة

ملي كنسالي الورقة كاملة لي عندي كندهنها من الفوق بالزبدة و كندخلها الفرن على درجة حرارة ١٨٠ درجة مسخن من قبل

ملي كطيب وكتحمر كنخرجوها وكنخليوها حتى كتبرد وكنزينوها بالسكر صقيل والقرفة وبالصحة والراحة