اولا بعد بسم الله نخلط البيض مع السكر و قرصة الملح و لافاني بالخلاط الكهربائي حتى يبياض الخليط و نتأكد انو ذابو حبيبات السكر ثم نضيف الزيت تدريجيا و نخلط في نفس الوقت جيدا ثم المايزينة و جلجلان محمص و نجمع بالفرينة و خميرة الحلويات حتى نتحصل على عجينة طرية حتى تساعدنا في الخدمة.

و للتشكيل نستعمل آلة رحي اللحم و الغرس المعروفة وهذا بعدما نضع العجينة فيها و نستعمل الزيت في يديا و سكين حاد نقص بيه الطول لي حبيتو و بعد مانشكلها نحاول نلويه قليلا حتى يجي مضفور مليح و شكلو هايل ثم نطيبو في الفرن كي يحمار قليلا من التحت ثم من الاعلى نخرجو و نقدمو بالصحة و الهناء😋💯