نقطع صدر الدجاجالي شرائح رقيقة ونحط عليها التوابل والياغورت الطبيعي والبصل والثوم والموطارد والزيت الخلو هريسة ونخلطهم ونخليها ساعة باش يتشرب الدجاج جيداً التتبيلة بعدها نقليها في المقلاة او في الفرن اختياري حتى اطيب ويتحمر ونخليه على جنب

في إناء نحط الفرينة والزيت والخميرة والسكر والملح ونلمهم بالماء الدافئ حتى نتحصل على عجينة طرية نعجنها مليح حتى تولي رطبة ونقسمها الى 12كرة ونحطهم فوق طرشونة ونغطيها بيبلاستيك غذائي ضروري جداً وبعدها نغطيها بطرشونة ونخليها 30د

كي رتاحو نحلهم بالحلال دوائر رقيقة حتى نكملهم كامل ومن بعد نطيبهم في مقلاة كي دير فقعات نقلبها وتتنفخ وتجي خفيفة وهايلة كيم موضح في الصور ندير القليل من المايونيز والهريسة ونزيد الدجاج والبطاطا المقلية والسلاطة ونلفها

ونطيبها في الة البانيني او مقلاة او طاجين لي متوفر عندكم ونقطعها ونقدمها

الى بقاتلكم ديروها في اكياس غذائية وديروها في المجمد كي تحبو ديرو شاورما نحيوههم من المجمد وخليوهم مدة زمنية يديكونجلاو وستعملوهم نتمني نكون فدكم حبيباتي