الخطوات
- 1
احضر كوكوت اضع فيها زبدة وزيت ونقلي فيها الدجاج ومن بعد نزيدلو حبة بصل وحبة لفت والثوم بعد ما طحنتهم فالروبو ونزيد فلفل كحل وملح وعود قرفة ونخليهم يتحمسوا مليح حوال 15 دقيقة ومن بعد نمرق بماء دافي ونزيد الحمص كي يطيب (يستوي) الدجاج نص طياب نزيد الخضر.اما اذا درت اللفت فقط كي يطيب (يستوي) الدجاج ونحيه باش نضيف اللفت المقطع طوليا في المرق ونخليه 10 دقيقة حتى يطيب (يستوي) ونطفي عليه ونحي مقدار كاسين مرق ونصفيه ونخليه على جهة
- 2
ومن جهة اخرى احضر الرشتة اضعها في قصعة ونفتحها بالزيت ومن بعد نحطها في كسكاس تفور لمدة 15 دقيقة (من الافضل تفوريها فوق المرق تجي بنينة بزاف) ونحيها ونفرغ عليها كاس ماء ونذوب فيه نصف ملعقة كبيرة ملح ونخليها تتشرب مليح ونزيدلها 2 مغارف زيت ونزيد نفورها للمرة الثانية لمدة 15 دقيقة ونعاود نحطها فالقصعة ونفرغ عليها مقدار غراف مرقة (لي نحيتها) ونخليها تتشرب مليح ونعاود نحطها تفور للمرة الثالثة لمدة 15 دقيقة ونحطها ونفرغ عليها غراف مرقة ونخليها تتشرب ومن بعد ندهنها ب 2 مغارف زبدة
- 3
وفي الاخير اضعها في صحن التقديم مزينة بقطع اللحم على الجوانب والحمص في الوسط والخضر على الجوانب
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات