لتحضير الجنواز بواسطة الباتور نطلع البيض مع قريصة الملح و السكر و الفلان حتى يتضاعف الحجم

نضيف الزيت بالتدريج ونواصل الخلط و من بعد نضيف الحليب مع الخلط المستمر

نغربل الكاكاو و الفرينة و الخميرة و نضيفهم و نضرب بالباتور مدة دقيقة

نجيب سنيوة الفرن بحجم 45 على 30 و ندهنها بالزيت و ندير فوقها ورق الزبدة و نصب الخليط و نديرو يطيب في فرن مسخن مسبقا من فوق و من تحت مدة 12د

نطلع بودرة الشانتيي مع الدانيت البارد و الحليب البارد حتى نتحصل على كريمة ثقيلة

بعد ما تطيب الجنواز نشكل الحرف بورق المقوى و نحطو فوق الجنواز و نقطع بالموس منشار رايحة نتحصل على طبقتين

نشرب الجنواز بالحليب مع النسكافي و ندير الكريمة في كيس حلواني و نديرها على كامل مساحة الحرف و من بعد نحط الطبقة الثانية و نشربها بالحليب و نعمل الكريمة

نزين بالفواكه الموجودة و ندهنها بالناباج و التزيين اختياري و بالصحة و الراحة