في اناء ندير جميع المقادير ونلم الخليط بالماء الدافئ حتي نتحصل علي عجينة طرية وتلسق في اليد ندير شوية زيد في الاناء ونحط العجينة ونخليها تخمر و يتضاعف حجمها كي تخمر ندير شوية فرينة في سطح العمل ونحل العجينة سمك 1سم

نجيب قطاعة دائرية ونقطع العجينة ونحطهم في طرشونة ونغطي عليهم ونخليهم يخمرو للمرة الثانية 30د ونقليهم في زيت غزير ونظير عليهم الزيت من فوق بي الملعقة حتي يتنفخو ويطيبو نحيهم نخليهم يقطرو شوية ونرمدهم في السكر

وهذا شكلهم من داخل فارغين وخفاف بزاااف بنان حشيتهم بصلصة الشكولا لي درت جميع المقادير في الطاس نتاع البرا ميكسور وميكسيتهم كامل حتي تحصلت علي صلصة ثقيلة وحشيتهم بيها وتقدرو تستخدموها لتغليف الكيكات وبزاف وصفات خرين