معكرونة بشاميل بالسجق
لو كلتوها بالسجق مش هتعملوها بمفروم تاني 😋😋
الخطوات
- 1
في طاسة نحط البصل والفلفل يتشوح لحد ما يذبل وبعدين نحط السجق يتشوح معاه وعليه الملح والتوابل ثم نضيف عصير الطماطم والصلصلة ونسيبهم لحد مايتسبكو ويستوي
- 2
في نفس الوقت نكون حاطين المعكرونة بتاعتنا على النار لحد ماتستوي ونرفعها من النار ونصفيها من ميتها
- 3
نجهز البشاميل في حلة نحط السمنة تسيح ونضيف عليها الدقيق ونقلب لحد ماياخدو لون ذهبي بسيط ونضيف اللبن عليهم بشرط يكون ساقع عشان ميعملش كلاكيع ونقلب لحد ماياخد قوام خفيف ونرفعه م على نار
- 4
هنضيف نص خليط البشاميل على المعكرونة ونقلبها وفي صينية مدهونة سمنة هنحط نصف خليط المعكرونة ونحط في النص السجق بتاعنا ثم نضيف باقي المعكرونة ونغطيها بالبشاميل انا حطيت على الوجه جبنة رومي وموتزاريلا
- 5
في الفرن شغال فوق وتحت نحطها لحد ما الجبنة تسيح وتأخذ لون ونخرجها وبالف هنا جربوها مش هتندمو 😋😋
وصفات مشابهة
-
-
-
-
-
مكرونة بشاميل بالسجق مكرونة بشاميل بالسجق
جميلة وسريعة وشهية وخفيفة ومناسبة اوي في العزومات
-
-
-
-
-
-
-
مكرونة بشاميل بالسجق والبسطرمة 😋 مكرونة بشاميل بالسجق والبسطرمة 😋
يا جماعة بجد طعمها خيالي والحشوة دي وحياة ربنا تجنن 😉 #تجهيزات_رمضان
وصفات ننصحك بمشاهدتها
التعليقات