نقطع البطاطا على زوج نفرغها مليح ونرشها بملح وفلفل اسود ونحطها تفور

نوجد لاصوص نحط البصل مرحي مع الثوم يتقلاو في قدرة منبعد نضيف الزيتون بعدما غسلتو مليح ونقلي ونضيف التوابل ونمرق بكمية قليلة نقدرو نديرو قطع دجاج نبنوا بيهم لاصوص انا ماكانش متوفر عندي

نوجدو الحشونتاع البطاطا نديرولحم مفروم نضيفولو نفس توابل المرق وشوي بصل وثوم ودبشة وحبة بيض نعجنو مليح ونحطو

بعدما تفور البطاطا نحيها نعمرها مليح باللحم ونحطها في بلاطو يمشي للفرن ونزيد فوقها المرق نتاع الزيتون ندخلها طيب بعدما يطيب اللحم وتخثار لاصوص نرش بجبن مبشور وندخلو يذوب ونزين بيض مغلي وشوي دبشة