إفتح في تطبيق كوكبادالخطوات
- 1
منحمي الفرن على درجة حرارة 180م 350ف
١_لهيدي المقادير بدنا صينيه خبز حجمها ١٠انش (او ٢٥سم تقريبا) مندهن الصينيه بزبده و منرش طحين على الصينه و كل جوانبها بهاي الطريقه منمنع التصاق الكيك و بيصير يقلب معنا اسهل - 2
٢-أول شي منحضر خليط الكيك و منبلش بنخل الطحين و الملح و البايكنغ باودر بجاط ناشف كليا
- 3
٣-بجاط تاني أكبر حجم منحط البيض و السكر و منخلطهن بالخلاط اليدوي على سرعه عاليه ليصير المزيج لونه فاتح و كريمي و يعمل رغوه
- 4
٤- بعدين منجيب الزبده و الزيت و منمزجهن مع بعض بكبايه وحده. و منصير نزيد خليط الزيت و الزبده على خليط البيض و السكر على دفعات متتاليه و بعد ما نزيد كل دفعه منخفق شوي و منضل هيك لتخلص كبايه الزيت و الزبده كلها و بس تخلص منخلط الخليط على سرعه وسط لمده دقيقتين
- 5
٥-منجيب كبايه الحليب و منزيد عليها ملعقه الفانيلا و منخركهن منيح
- 6
٦-هلق انتبهوا لهالخطوه منيح هون بدنا نزيد الطحين و الحليب على خليط البيض على دفعات متتاليه بهالطريقه
منزيد الطحين على ٣دفعات و الحليب على دفعتين كيف يعني
منزيد ثلاث ارباع الكوب طحين على خليط البيض و منحرك بالملعقه منيح ليختفي الطحين
بعدين منزيد نص كوب الحليب على خليط الطحين و منحرك
بعدين منرجع منزيد ثلاث أرباع الكوب طحين و منحرك
بعدين النص الباقي من الحليب و منحرك
و آخر شي منزيد الكميه الباقيه من الطحين و منحركهن و منضربهن بالخلاط اليدوي على سرعه وسط لمده خمس دقايق - 7
٧- منخلط اول شي السكر مع القرفه
بعدين منحط الفريز بجاط و مزيد فوقهن السكر و النشا و منخلطنن منيح و منوزعهن بأرض الصينيه بشكل متساوي (و دغري منزيد عليهن خليط الكيك كرمال إذا تركناهن كتير ممكن الفريز ينزل مي كتير و يعجن الكيك - 8
٨-منحط الصينيه بالفرن عالرف الوسط و منخبزها لمده تتراوح ما بين ٥٠ - ٦٠ دقيقه
و ما تفتحو الفرن عليها قبل هيك و بس يمرق الوقت بتختبروا نضوجها بعود خشب
و ألف صحه 😘
من تفاعل بإيموجي
وصفة من
وصفات مشابهة
وصفات ننصحك بمشاهدتها
التعليقات (11)