الخطوات
- 1
اولا نبشر البصل ونشوحه بملعقة سمن ونحط عليها اللحم ونقلب كويس ومش نسيبها لغاية ما يتغير لونها ونستمر في التقليب علشان مش تعمل كتل بعد ما تشرب ميتها نضيف الملح و الفلفل ونقلبها ونضيف الطماطم ونسيبها على النار لغاية ما تتسبك
- 2
البشاميل:: نضيف السمن والزيت ونخلطهم مع الدقيق ونقلبهم كويس على النار لكن لونه مش يتغير ونضيف ليهم كيلو بس من اللبن مع التقليب المستمر ونضيف الملح والفلفل و المرقة بعد ما يبدء يتقل نطفي النار ونضيف ليه النص كيلو الباقي من اللبن ونقلب وده علشان مش يعمل وش ويبقى كانه فيه كتل
- 3
نحضر صينية ونحط فيها كبشة من البشاميل و ونرص اللازانيا وعليها لحمة و جبنة مبشورة و كبشة بشاميل هكذا لغاية ما نخلص الكمية
- 4
اخر طبقة هنحط عليها كمية من البشاميل تغطيها و كبشة من البشاميل في حلة اللحمة ونقلبها هيبقى لونها روز ونحطها على الوش ونوزعها بعد كدة نحط جبنة مبشورة
- 5
وندخلها الفرن لغاية ما وشها يحمر
- 6
ملحوظة: في نوعين من اللازانيا الطازة ودي الي انا استعملتها وفي الجافة الفرق بينهم ان الجافة هنضيف بيضة مضروبة مع شوية البشاميل الي قلبناهم في حلة اللحمة لان الجافة عجينتها مش فيها بيض لكن الطازة معمولة بالبيض فمش هتحتاج وبالف هنا
وصفات مشابهة
وصفات ننصحك بمشاهدتها
التعليقات (16)