بسم الله الرحمن الرحيم 🌺 اول شي لازم يكون البيض بحرارة المطبخ....بخفق البيض والفانيلا بالخلاط الكهربائي دقيقتين على سرعة متوسطة برجع بنزل كاسة السكر كمان دقيقتين بنزل نص كاسة الزيت والحليب وبخفق شي تلت دقايق تقريبا هيك بكون الخليط جاهز

بنخل الطحين مع البيكمباودر ورشة الملح وبنزلون فوق سائل البيض وبحركون مع بعض كتير منيح

بدهن القالب بزيت نباتي ورشة طحين وبنزل خليط الكيك بقلبو بكون محماية الفرن بحطا على الرف الوسطاني بالفرن

بشغل من تحت فقط اذا الفرن حامي رح يتحمر وجه الكيكة مندون مانشغل من فوق اخدت معي بالفرن نص ساعة وعلى حسب كل فرن ودرجة حرارتو هيك كانت الكيكة بعد مطلعتا من الفرن

التزيين والحشوة اختياري انا عملت بهي الكيكة كيكة الجيليه بالفريز 😋