للعجينة:في اناء نخلط المارغرين, السكر, البيض, لفاني جيدا حتى نتحصل على كريمة نضيف النشاء والفرينة ونجمع دون عجن حتى نتحصل على عجينة طرية نغطوها بكيس بلاستيكي ونخلوها ترتاح نصف ساعة

للكريمة:في كسرونة نحطو الحليب والنشاء والسكر نخلطو بارد في بارد وحطوهم على النار حتى نتحصل على كريمة ثقيلة نطفيو عليها ونزيدولها لفاني والمارغرين نقسموها على اثنين ونعطروها بالمعطرات نغطوهم بكيس بلاستيكي ونخلوهم يبردو تماما بعد ما يبردو نطلعوهم شوية بالباتور

بعد ما ترتاح العجينة نشكلو ليتارت ديالنا ونحطوهم يطيبو حتى ياخذو اللون الذهبي

بعد ما يطيبو و يبردو مليح نعمروهم بالكريمة و نزينوهم لي بذوق الفراولة نزينوها بالفراولة و نمسحوها بلاجولي و لي بذوق الموز نزينوها بالموز والتزيين يبقى اختياري