اولا نتبل الدجاج كما ذكرت في المقادير ونخليه يرتاح اطول مدة ممكنة نقدر نتبلو صبا ونطيبو العشية

نروحو للعجينة في إناء نحط الفرينة والزيت والزيدة والخميرة والسكر والملح نخلط مليح ثم نضيف الحليب ونكمل نلم بماء نتحصل على عجينة متماسكة ماتلصقش في اليد نقسمها كريات ونخليها ترتاح

نروح نوجد البطاطا والدجاج نطيبهم ونزيد ننظف السلاطة ونقص الطماطم يعني نوجد كامل الاشياء باش تجيني خدمة ساهلة

نرجع للعجينة نبدأ نحل فيها نحلها رقيقة خلاص نكونو حطينا الطاجين ولا المقلة الى نطيبو فيه يسخن مليح

كي نحطو العجسنة في الطاجين نعسها غير تبدا دير نبابل صغار نقلبها تزيد تبيان من جهة الاخرى نحيها وهكدا حتى نكمل نغطيهم مليح باش مايبسوش

نجيب الخبز ندهن بمايوناز او فرماج (جبنة) حسب الذوق نحط في الوسط بطاطا ودجاج وسلاطة وطماطم وجبن الحشو الى عندك نقفلها مليح ونحطها في طاجين بعدما نكون سخنتو مليح ونحط عليها مقفال ثقيل باش ماتتحلش كي نشوف حمارت من تحت نزيد نقلبها نطيبها من جهة اخرى ونقدمها

ملاحظة وصفة الخبز طبقت وصفة مريم ديلخ