محسن الخبز: نجيب طاسة ونضيف عليها المية تكون عادية والدقيق وعلى نار هادية نجلس نقلب لين تتماسك وتصير مثل الكريمة وننقلها لصحن عشان تبرد

في العجانة نضيف الدقيق والسكر والملح والمحسن اللي سويناه (والحليب والبيضة) نخلطهم مع بعض كويس قبل لا نحطها بالعجانة والخميرة ونخلط بالعجانة لمدة خمس دقايق لين تبدا العجينة تتكور عندي

اضيف الزبدة في العجانة للعجينة واخليها بتلاحظين العجينة بدت تتقطع عادي خليها لين تتماسك على اقوى شي وبعدها امسكها الاحظ ان العجينة تطلع حلوة وما تلزق باليد اخذها واغطيها بكيس نايلون واخليها تتخمر لمدة ساعة ونص

لما اطلع العجينة الاحظ انها صارت بحجم كبير مرة اطلعها والفها كلها مع بعض واقسمها نصين نص اغطيه بالنايلون عشان ما يدخله هوا والنص الثاني اقطعه على حسب رغبتي واغطيها بالنايلون.. لا تكشفي العجينة عشان ما تسبب قشرة ولا تنشف

بعد ما قطعت العجينة اخذ قطعو واغطي الباقيين ابدا افردها على الرخامة بالشكل الطول من الوجهين وبعدين احشي باي حشوة تحبينها وابدا اقفلها من الجانبين الطوال والفها من فوق لين تحت واخذها واحطها في صينية الانجلش كيك واغطيها بالنايلون عشان ما يدخلها هو

نفس الطريقة للباقين لازم اعطيها كويس وما يدخلها هوا وبعد ما اخلص الصينية اعطيها بالنايلون واخليها ترتاح 1/2 ساعة بعدها بتلاحظين ان حجم الخبز تضاعف في الصينية.. اجيب خلطة الوجه وادهن وجه الخبز وادخلها في فرن محمي مسبقاً على درجة 200

اخليها في الفرن مدة 20 دقيق لين الاحظ ان الوجه بدا ياخذ اللون الذهبي افتح الفرن من فوق مدة 5 دقايق وبعدين اطلعها واخليها تبرد

بالهنا والعافية