سفنج بالسميد فقط

شكون لي مايحبش يدير السفنج ولا لخفاف للفال وصفة نتاع ليوم تنحيلكم الرهبة نتاعو تولو محترفين في صنع نتاعو خترت سميد رطب ممكن ديرو المتوسط شمخت كيلو غير بالماء والعجينة تكون متماسكة نحطها في ساشي منديا قد مانخليها راح توفر ومليحة ليا انا نشمخ في ليل ونعجن صباح ولا نشمخ صباح ونعجن لعشيا وكي نكون راح نعجن نطلع لخميرة لي فيها السكر ولخميرة مع شوية نتاع الماء نطري غير بالعجين وكي تشوفوها تبدا تتلاسق معنتها خصها الملح حلحلت مغرف صغيرة معمرة في شوية نتاع الماء ندخلهولها بشوية مع العجين زدتلها السانوج كملت نعجن فيها حتى طلعت هذيك لخميرة بقيت نضيف فيها وانا راني ندبز نعجن و نخبط هذا هو سر السفنج الخاطر والڨانا حتى نتحصل على قوام جاري وحاكم روحو مايتقطعش ويتكسل خليتو يخمر وجزت نطيبو كاين لي يحبوه مدور كاين لي يديروه بطول طريقتي نشمخ يدي بزيت ونقطف عجينة ونحلها ساير داير ونجعدها مليح مليح لحواشي ملحمين والوسط رقيق هكذا علموني نديرواحتفظو مليح مليح بالوصفة راهي من أنجح وصفاتي المجربة 😊😍

#امي_جنتي.هذه وصفة ماما لعزيزة الغالية علمتني بزاف حوايج ربي يخليها ليا ويحفظها من كل شر وربي يحفظ جميع الامهات

#حراير_الجزائر#الأكلات_الجزائرية#وصفة_مشتركة#كأس_العالم_للطبخ

#الشيف_الذهبي

#حلويات_عائلتيسفنج قسنطيني إن شاء الله تجربوه وينال إعجابكم😋😋

#كوكباد_يجمعنا

#امي_جنتي

لا فرينة (طحين او دقيق) ولا ميكسور سفنج تقليدي بالسميد يجي روعة

درتهم للقهوة