هنحط في حله على النار كوب ماء ونص كوب زبده ومعلقه سكر وفانيليا لحد الزبده ماتسيح ويبدا يسخن هنرفع الحله من على النار ونضيف كوب دقيق ونقلب بسرعه ونرجعها على النار تاني ونقلب شويه عشان الدقيق يستوي

هنصب الخليط في طبق تاني ونقلبه ونسيبه يبرد شويه ٥دقايق ونبدا نضيف ٣بيضات بس هنضيف واحده واحده ونقلب كويس مابين الواحده والتانيه لحد مالعجينه تبقي متجانسه كويس

هنصب العجينه في كيس حلواني ونقطعه من الطرف ونبدا نشكله والصينيه تبقى مدهونه زبده او نحط في الصينيه ورق زبده وتدخل على فرن سخن على درجه ١٨٠ ومتفتحش الفرن عليها خالص لمده ٣٥ دقيقه ودى اهم نقطه عشان الاكلير مش يهبط

لما تخرج من الفرن هنسيبها تهدى خالص ونحشيها بالحشو اللي نحبه

زي الكريم شانتيه أو كاسترد أو باستري كريم وتغطيه بالشوكولاته والف هنا