في وعاء نضع البيض و السكر و قرصة ملح و نخلط جيداً حتى يعود الخليط ابيض ثم نضيف الفرينة و الخميرة بعد ما نصفيهم

نجيب كاس الا ربع ماء ندير فيه ملعقة كبيرة خل و ملعقة كبيرة سيرو ذرق فريز و 4 ملعقة كبيرة زيت نخلطهم مليح مبعد نضيفهم للخليط و نخلطهم جيداً ثم نضع الخليط في صينية مفروشة بورق الطهي و الى الفرن نكون سخنتو من قبل على درجة 180 °

كي طيب نقطعها الى اربع قطع متساوية و ندهنهم بشوي سيرو و نشربهم بشربات شوي و نخليهم على جانب الاخر

نحضر كريمة الشانتيه نطلع غبرة شانتيه مع لحليب مليح مبعد نجيب الطبقات تاعي نحط الطبقة الاولى و نزيد الكريمة ثم الطبقة الثانية و هكذا حتى نكمل الطبقة الاخيرة ندرلها شوتني نساويها و نحطها تبرد

كي تكون تبرد نوجد سوبر كريم تاعي نخلط الماء مع سكر و سيرو ذوق فريز و نحطهم فوق النار هادئة ثم نضيف نشاء منحل في ماء بارد و نقعد نخلط حتى تعقد و نحيها و نخليها تبرد شوي قيس ما تولي دافية و نجيب با تيسري تاعي و نصب عليه سوبر كريم و نخبطها شوي باه تتساوى و نحطها تبرد مبعد نقسمها و نزينها حسب الرغبة و بصحتكم 😄

ملاحظة : انا معنديش سارسو درت ورق الطهي و طبقتو و لسقتو فيها باه ما يسليش سوبر كريم نتوما اذا عندكم ديروه باه تخرجلكم مسقمة خير من تاعي و ان شاء الله تنال اعجابكم.