غراتان باذنجان

بسم الله اللهم صلي وسلم على نبينا محمد اولا نقطع الباذنجان بالطول نرش عليه الملح ونترك المرورية لي فيه تخرج من بعد ناشفه مليح وندهن بلاطو بزيت الزيتون ونضع شرائح الباذنجان ونزيد ندهنهم بزيت الزيتون وندخل البلاطو للفرن لما يستوي الباذنجان نتركه جانبا ونحضر الحشو في مقله نضع راس بصل مقطع نشوحو مليح ثم اضيف اللحم المفروم مع ملح وفلفل اسود وكركم ومغرف زبدة ونترك الكل يتغلى ويطيب اللحم مع التقليب

لما يستوي اللحم نفرم حبة طماطم مع فصين ثوم ونضيفهم للخليط نترك حتى ينشف كل الماء ونطفي الغاز نأتي بمول زجاجي نبسط شرائح الباذنجان واحد تلو الاخرى بجنب بعض نغطي كل المول نسكب الحشو ونضيفلو جبن مبشور ثم نغطي ب اطراف الباذنجان جيداً ندخل المول للفرن يذوب الجبن فقط ونخرج المول ونكونو طبخنا صوص طماطم. نديمولي الغرتان ونزينها من فوق بصوص طماطم ونقدم الطبق تاعي يجي بزاف بنين وراقي بالصحة والراحة نعمة دايمة عليا وعليكم