في إناء نحط البيض ونخلط بالفوي ولا باطور حتى يطلع البيض مليح مع رشة الملح

نضيف السكر ونخلط مليح حتى يبدا يتجانس مع البيض وبعدها نزيد لحليب وخلط مليح

كي نزيد لحليب نضيف من وراه الزيت ونستمر في تحريك وهنا نضيف كيس الفانيلا ونخلط مليح حتى يتجانس المزيج

ونبدأ نزيد الفرينة بالتدريج بلاما ننسى كيس الخميرة حتى نكمل كمية الفرينة الى عندي

وهنا نكون دهنت صينية الفرن بالزيت ورشيتها بالفرينة والفرن كنت شعلتو من قبل على ١٨٠ درجة نفرغ الخليط وندخلها طيب

كي طيب من تحت نشعلها باه تتحمر من فوق

التزيين انا درتلها شوكولاته ذوبتها عادي فوق حمام ماء وزينتها لي ترونش نتاع تفاح كيما اي مثل تقدرو تخلوها عادي بذوق الفاني فقط

صدقوني تجي خفيفة كيف لبونج🌈🌈🌈🍰🍰🍰🍰