نضع جميع المكونات بوعاء عميق دون الطحين ونضرب بالمضرب اليدوي حتى تتجانس المكونات

نضع الطحين بالتدريج حتى تتكون عندي عجينه جامده اجمد من عجينه المعجنات ممكن احتاج اكثر من كوبين طحين حسب نوعيه الطحين بغطيها وبتركها ترتاح ساعه..

باخد جزء من العجينه وبفرده على الرخام برش الرخام بالطحين كميه منيحه حتى ما تلزق العجين لازم يكون خمل العجين ٢ سانتي بقطعه بقطاعه الدونت اذا توفر او بكاسه بقطعها وبالنص بغطاء الببسي بجيب صنيه برش فيها طحين وبحط قطع الدونات وبغطي على الصنيه بترك العجينه ترتاح ربع ساعه...

مرحلة القلي... الزيت اهم اشي يكون ساخن مش بغلي لانه اذا كان بغلي بتنحرق وما بتستوي من جوه والزيت لازم يغمر الدونات حتى تستوي وتاخد لون اشقر بنزل حبات الدونات بالزيت وبس تنفخ بقلبها مباشره وبضل اقلبهم حتى ياخدو لون اشقر بشيلهم من الزيت وبس يفترو بزينهم بنوتيلا وزبدة اللوتس و شوكولاته بيضاء انا لونت الشكولاته البيضاء بالون الاحمر السائل وزينت الوجه بالفارمسيل والسكليتا وكرات الكرانش وبدخلهم الثلاجه وبتتقدم بارده صحه وعافيه............ 💕ام يحيى الصراوي 💕