كيكة الطبقات الباردة 🍰

بسم الله نبدا بالطبقة الاولى نرحي البسكوي في الروبو و نضيفلو ملعقتين كاكاو و الزبدة ذايبة و نخلط جيدا ثم نحطو في القاعدة تاع المول و نرص جيدا باه جي طبقة متساوية و نحطها في الثلاجة

نغربل الكاكاو و النشا و نضيف السكر ثم الحليب و نخلط بارد في بارد ثم نحطو على النار و نستمر في الخلط حتى يصبح الخليط ثقيل نطفي النارنضيف الشيكولا و نخلط حتى تذوب ثم نضيفها مباشرة فوق الطبقة الاولى و نرجعها للثلاجة

نخفق الحليب مع بودرة الشونتيي ثم نضيف النواد كوكو و نخلط حتى تتجانس و نضيفها فوق الطبقة الثانية بعد ماتكون بردت و نرجعها للثلاجة

للطبقة الاخيرة نسخن ملعقتين حليب جيدا ثم نضع فيها قطع الشوكولا و نخليها تذوب في حرارة الحليب ثم نخلط و نضيفها فوق الطبقة الثالثة و نحطها في الثلاجة

نخليها تبرد جيييدا ثم نحيها من المول و نزينها