ميني برغر بطريقة El Amira 😘
مرحبا بيكم معايا حبيباتي متابعاتي يا اروع طباخات كوكباد 😘😘 اليوم جبتلكم وصفة لي ميني برغر خرجولي رووووعة و بطريقة جد مبسطة بطريقة الطباخة El Amira لي نشكرها بزززاااااف بزززاااااف على الوصفة ديالها نجحتلي و جاوني خفاف كيما يحب الخاطر ، هاذي اوول مرة نجربهم بصصح خرجولي روووعة ،و هذا كلو بفضل وصفتها الرائعة ، تفضلو معايا تشوفوها . 👇👇 ايه تفكرت ، اسمحولي مانيش راح ندير خطوات الوصفة لاني كان لازم عليا نكمل ليهليه ماكانش الوقت باش نصورلكم 😔😔 ، متأسفة جدااا .
ميني برغر بطريقة El Amira 😘
مرحبا بيكم معايا حبيباتي متابعاتي يا اروع طباخات كوكباد 😘😘 اليوم جبتلكم وصفة لي ميني برغر خرجولي رووووعة و بطريقة جد مبسطة بطريقة الطباخة El Amira لي نشكرها بزززاااااف بزززاااااف على الوصفة ديالها نجحتلي و جاوني خفاف كيما يحب الخاطر ، هاذي اوول مرة نجربهم بصصح خرجولي روووعة ،و هذا كلو بفضل وصفتها الرائعة ، تفضلو معايا تشوفوها . 👇👇 ايه تفكرت ، اسمحولي مانيش راح ندير خطوات الوصفة لاني كان لازم عليا نكمل ليهليه ماكانش الوقت باش نصورلكم 😔😔 ، متأسفة جدااا .
الخطوات
- 1
بسم الله و توكلنا على الله.
- 2
اولا نخدمو العجينة، نخلطو كأس حليب دافئ مع نصف كأس زبدة ذائبة ونزيدو بيضة ونخلطو مليح ونزيدو مغرف كبيرة خميرة ومغرف كبيرة سكر ونخلطو مليح ومنبعد نبداو نضيفو في الفرينة ، نضيف كأس ونخلط منبعد نزيد الملح ونخلط ونكمل باقي الكيسان بالتدريج حتتان تتلم العجينة، لي عندها البيتران تحطها تتعجن ولي معندهاش تعجنها بيدها مليييييييح، لازم تكون طرية.
- 3
منبعد نقسم العجينة على 18 حبة متساوية كل حبة توزن 45g لي ماعندهاش الميزان دير عينها ميزانها و تحاول انهم اكونو كيفكيف وتقسمها على 18 حبة متساوية.
- 4
منبعد نعدل الكرات الصغيرة بحيث تتنفس من التحت وتلوزيها ملييح.
- 5
تجيبي سنيوة تحطي فيها الفرينة وتحطي هذوك الكرات وتزيدي ترشي الفرينة فوقهم.
- 6
الكريات كي يكونو يتخمرو تغطيلهم بكيس بلاستيكي وتزيدي تغطي فوقو منديل.
- 7
خليهم يتخمرو 45 دقيقة منبعد جيبي سنيوة حطي فيها papier cuisson اذا ماعندكش ديري فيها شويية زيت وحطي كريات البرغر.
- 8
نجيبو صفار بيضة وندهنو سطح كل ميني برغر باش تتحمرلنا مليح و نحطوها في الكوشة حتتان طيب مليح و نحيوها ونخليوها تبرد.
- 9
ذرك نخدمو الحشو، نجيبو البطاطا نقطعوها قطع صغيرة و نقليوها ونزيدو نقطعو الفلفل والبصل قطع صغيرة ونقليوهم، كي نكملو نقليوهم ، نخلطو البطاطا لي قليناها مع البصل و الفلفل المقليين مع 4بيضات ونديرو شويية زيت في المقلة ، ونهزو بالمغرف كمية صغيرة من البصل والبطاطا والفلفل المخلطين مع البيض و نحطوهم في المقلة على شكل كريات صغاار باش يطيبولنا على شكل دوايرات صغاار.
- 10
ذركا نروحو للتزيين. نجيو الخبزات لي طيبناهم و نقسموهم على النص، ناخذو النص التحتاني ندهنون بالفرماج ونحطو نصف ورقة سلاطة ونزيدو دوايرة نتاع البطاطا لي كنا قبل خلطناها مع الفلفل والبصل والبيض وقليناهم (كيما الفريتوملات) ونزيدو نقسو ترونش نتاع الطماطم نزيدو نحطوها فوق البطاطا، منبعد نديرو المايونيز فوق الطماطم واخيرا نحطو النصف الاخر من الخبزة ونكملو الطريقة مع باقي الحبات والتزيين الفوقاني اختياري وش بغيتي ديري.
- 11
شهية طيبة الجمييييييع 😘😘 تاكلوه بالصحة و الهناء انشااء الله 😘😘😍😍💗❤.
وصفات مشابهة
-
ميني برغر ✨❣️ ميني برغر ✨❣️
#وصفة_ونصيحة بعدما طيبي أي خبز غطيه بسربيتة باش يقعد طري وبنين وشكل شباب
-
-
-
ميني برغر😊👌 ميني برغر😊👌
يا زينة كيف 🌹الوردة في وسط جنان تضوي كي الشمعة نورك من بعيد يبان زهرك قليل و نيتك صافية و قلبك 💚كيفو مكان شفتك حيرانة يا عدرا يا زينة النسوان طلبت من مولانا يفتح عليك البيبان ترجعي فرحانة يزيان سعدك 🙂 خير من اللي كان
-
-
-
وصفات ننصحك بمشاهدتها
التعليقات (23)