نغسل اللحمة جيداً ونحضر وعاء به مياه وفلفل اسود وحبهان وجوزة الطيبه وورق لورى وبصلة وطماطم ولما المياه تغلى يتم وضع اللحمة

وفي نفس الوقت لحد ما تستوي اكون قطعت حلقات من البصل والبطاطس اغسل البطاطس واضعيها بجنب والبصل اضيف عليه السمنه في وعاء وعليه البطاطس واشوحهم مع بعض خمس دقائق

واكون ضربت طماطم بالخلاط احط نصها مع البطاطس واشيل النص التاني تأخذ غلوتين يعنى بتاع ربع ساعة كده

واستنى لحد ما اللحمة تكون استوت واضفلها الملح وأخرجها تتصفى من الشوربه ولما تبرد اجيب بقى الطماطم اللي شيلتها هحط عليها التوابل بهارات اللحمة والملح والفلفل الاسود والقرفه والزنجبيل واقلبهم كويس وأحط اللحمة فيها

اجيب بقى صينيه احط فيها البطاطس واجيب اللحمة عليها واحاول اخد من التتبيله بتاعتها بعيد عن الماء تفل الطماطم بيبقى متركن احاول اخده واحطه على اللحمة من فوق بيعمل طعم وارش رشه صغيرة تعمل ريحه من فوق بهارات اللحمة والقرفه والزنجبيل ولما تستوي البطاطس اطلعها الشوايه عشان اللحمة تأخذ لون من فوق وبألف هنا