تحضير العصبانة : غرنوڨ+ كبدة (بامكانكم الاستغناء عن الكبد) + دوارة + بصل + طماطم+ حشيش+ البهارات المذكورة اعلاه +شوية زيت و نخيطها ثم نتقبها قليلا

في كوكوت نقلي البصل + الثوم + الطماطم + طماطم مصبرة + حمص+ البهارات في السمن و الزيت و نمرق بشوية ماء سخون نضيف العصبانة و شوية غصان الحشيش و نغلق الكوكوت

نشلل الشخشوخة بالماء و نخليها تنشف مليح نديرلها شوية زيت حتى ما تتلاصقش ثم نفورها التفويرة الاولى من الافضل فوق المرقة

نحي الشخشوخة من فوق النار نشمخها بشوية مرق و نخليها ترتاح ثم التفويرة الثانية (اذا بقات يابسة زيدي تفويرة ثالثة حتى تولي طرية نوعا ما)

نضيف الخضر في المرق و نخليهم يطيبو ، نحي الشخشوخة من فوق النار و ندهنها بالزبدة او المارغرين

في طبق التقديم حطي الشخشوخة و فرغي عليها شوية مرق باش تشرب و زينيها على طريقتك ، شهية طيبة