معكرونه بالبشاميل 😋😋

لسلق المعكرونه بنحط: ماء ومعلقة زيت ورشة ملح.. وبس تغلي الماء بنحط المعكرونه وبنتركها لتسلق وبس تستوي بنصفيها..

لبين ما تسلق المعكرونه بنحضر للبشاميل.. ولتحضير البشاميل بنحتاج: بطنجره بنحط اربع ملاعق طحين واربع ملاعق زيت وبنحركهم على البارد وبعدين بنحطهم على النار وبنقلبهم شوي مع بعض وبنحط الحليب وبنضل نحرك ليتقل وبعدين بنحط الملح والفلفل الاسود والزنجبيل الباودر..

ولعمل اللحمة.. بنفرم البندورة بعد ما نغسلها ونقشرها وبنقطع الفلفل حلو وراس بصل وضروس الاسود الثوم بالاول بنحط البصل وبس يتحمر بنحط الثوم وبعديها اللحمة وبنغطي عليهم لتاخد اللحمة لون وبعدين بنحط البندورة والفلفل الحلو ومعلقتين كبار مسح صلصة وبنقلبهم وبنضيف الملح وفلفل اسود.

هسه بنحط البشاميل على المعكرونه بعد ما نصفيها منيح وبنبلش نحط اول طبقه بالصينيه وهي المعكرونه وبعدين طبقة لحمة وبعدين طبقة معكرونه واخر شي جبنة موزاريلا وبالفرن للتتحمر وصحه وعافيه ❤