نحكم الغرس المرحي نفورو اذا كان يابس ومباعد نديرلو القرفي والسمسم غير شوي والقرنفل وشزي زبدة ونعجنو مليح حتى يولي طري تماما اذا جاك يابس ضيفي شوي ماء قليل فقط ونشكلو حرابش متوسطين في الحجم ونغطيه ونخليه

قبل بي ليلة نبسس المقروظ نتاعي نخلط السميد مع الفرينة ونضيف الزبدة تكون بدرجة حرارة الغرفة ندخلهم في بعضاهم مليح ماتنسيش شوي ملح ونحك بيدي مليح حتى يصبح القوام ابيض ونغطيه ونخليه يبات

غدوة نبداء نطيب نجيب شوي عجين ونرشها بماء مخلط مع ماء الزهر ونلم باطراف الاصابع بدون عجن ونحلخا ونحط حربوش الغرس ونشكل عادي واستعملي طابع لي بغيتيه ودخليه للفرن على دىجة حرارة متوسطة ماتخليهش يحمار بزاف

العسل انا نستعمل العسل المرجان نزيدلو شوي ماء وماء الزهر وعود قرفة وحبات قرنفل ونشهرالمقروظ مرة ومرة اخرى عند التقديم وبصحتكم غالياتي